Vikariya >

Buhonga >

Paruwase Magara: Abaririmbiramana «Abatoni b'Umukama» bo muri sikirisare Masama baragendeye sikirisare Nkuba

 Mu majambo yashikirijwe muri urwo rubanza, Nicodème Ntahomvyariye Umumenyeshamana wa sikirisare Nkuba, yashikirije ijambo ryo kwakira abashitsi aho yarabakengurukiye cane kubona bigoye bagashika muri iyo sikirisare Nkuba, bazanywe no kwunga ubucuti hagati y'iyo migwi y'Abaririrmbirama. Yagize ati: " Ni iteka Imana yateye Ekleziya katorika kuko ikoraniriza hamwe abantu bose, bakamenyana, bakaba mu busho bumwe; abo hirya bakagendera abo hino, abo hino nabo bakagendera abo hirya." Uwo Mumenyeshamana kandi yarakengurukiye uwo mugwi w' Abaririmbiramana "Abatoni b'Umukama" ku bwira bagize bw'ugushika kare muri iyo sikirisare, no k'ubwitonzi baririmbanye.

Pascal Ndimunzigo, Umumenyeshamana wo kuri sikirisare Masama yo muri Paruwase Mutumba yaje aherekeje uwo mugwi w'Abaririmbiramana "Abatoni b'Umukama" nawe yaragize ico ashikirije. Mw'ijambo ryiwe yabanje gushimira Imana kuba yabarinze mu rugendo ikaba yabashikanye amahoro muri sikirisare Nkuba. Inyuma y'ugushimira Umukama ko yabazigamye mu rugendo, yaciye ashikiriza icatumye bagendera iyo sikirisare aho yagize ati: " Tugenzwa n'urukundo, kandi dushaka kwunga ubucuti muri iyi migwi yacu. Twazanywe kandi no gusangira igisabisho n'abakristu bo ngaha muri iyi sikirisare Nkuba."

Inyuma y'ijambo ryashikirijwe na Pascal Ndimunzingo, uwurongoye umurwi w' Abaririmbiramana "Abatoni b'Umukama" wo muri sikirisare Masama, Floride Ndayishimiye nawe yameze nk'uwu mwunganira avuga ko, iciyumviro co kugendera sikirisare Nkuba caseruwe n'umukenyezi aririmba muri uwo mugwi w'Abaririmbiramana "Abatoni b'Umukama", avuka muri iyo sikirisare Nkuba kandi akaba yahoze ari muri uyo mugwi w'abaririmbiramana "Menyeshimana" . Bamaze kuvyigako, babonye ko bibereye ko bokwunga ubumwe n'uwo mugwi w'Abaririmbiramana Menyeshimana. Floride Ndayishimiye yabandanije akengurukira Umukama kubona yabashoboje gushika kuri iyo sikirisare, agashima kandi ko bakiriwe neza.

Umugwi w'Abaririmbiramana "Menyeshimana"nawonyene waragaragaje akanyamuneza. Viral Ntamashimikiro umukuru w'uwo mugwi yavuze ko buzuye akanyamuneza ko kwakira bagenzi babo. Agirako arabashimira agira ati: "Muragahora uko, no hanyuma bazogaruke kumenyesha inkuru nziza biciye mu ndirimbo". Yarakengurukiye kandi uwo mugwi w'Abaririmbiramana wabagendeye, abashimira ko bumvise akamo batewe n' umukenyezi basanzwe barangurana ubutumwa, aho yaterera ic'iyumviro c'ukugenda kwunga ubucuti n'uwo mugwi w' Abaririmbiramana wo muri sikirisare Nkuba.
Yaheraheje ashima kandi ko babazaniye uwo bareze kandi akaba yagarutse yarungutse ikibondo ndetse n'umwuzukuru.

 
Honoré Ndayiragije, Paruwase Magara

Mu mumugwi umwe

Aleluya. Kristu yarazutse; umuco wiwe waratuboneshereje, twebwe yacunguje amaraso yiwe. Aleluya.

Ivyo dusoma mu Nkuru nziza ya Yezu Kristu nk’uko yashikirijwe na Yohani (6, 30-35)

Muri irya misi,

Abayuda babwiye Yezu bati: «Ikimenyetso ukoze none ni ikihe ngo tubone, duheze twemere? Uza gukora iki? Basokuru bacu barariye mana mu gahinga, nk’uko vyanditswe ngo: “Yarabagaburiye umukate uvuye mw ijuru”.» Yezu arababwira ati: «Ni ukuri ni ukuri ndabibabwiye: Musa ntiyabahaye umukate uvuye mw’ijuru; Dawe ni we abaha umukate w’ukuri uvuye mw’ijuru, kuko umukate w’Imana ari wo umanuka uva mw’ijuru ukazanira abantu ubuzima.» Baramubwira rero bati: «Mukama, urakoze, uraduha uwo mukate.» Yezu arabishura ati: «Jewe ndi wa mukate w’ubuzima; uwunyegereye ntazoba agisonza, kandi uwunyemeye ntazoba akinyoterwa.»